La guerra en l’Ucraina occupa ils abitants da l’Engiadin’Ota. Numerusas persunas, entiras famiglias èn vegnidas en las localitads da la protecziun civila a Samedan per deponer lur donaziuns.
La solidaritad ed il sustegn che vegn demussà envers nossa acziun è fitg gronda. Nus n’avain insumma betg fatg quint cun quai.
Ina chaussa da cor
Mintgina e mintgin ch'ha contribuì insatge vid l’acziun lantschada da la coordinatura Karin Last (sut l’organisaziun da tetg da «refurmo») ha suttastritgà ch’i sajan donaziuns che stettian a cor. Almain pon ins gidar en questa maniera, er sche quai saja be ina pitschna contribuziun.
Impressiuns acziun d'agid a Samedan
1 / 15
Legenda:
Scolars da Zuoz e Bever han decorà las paraids fraidas da la defaisa civila cun lur purtrets en las colurs da l'Ucraina.
RTR, Anna Caprez
2 / 15
Legenda:
Entiras famiglias èn vegnidas cun lur donaziuns per l'acziun d'agid.
RTR, Anna Caprez
3 / 15
Legenda:
Las stgatlas vegnan emplunadas ina sin l'autra, prontas per il transport a Cuira.
RTR, Anna Caprez
4 / 15
Legenda:
Ils ins han mess ensemen quai ch'els han chattà a chasa....
RTR, Anna Caprez
5 / 15
Legenda:
... auters èn direct ids en butia a cumprar rauba, per exempel pavel per animals.
RTR, Anna Caprez
6 / 15
Legenda:
Far ina donaziun stat a cor er a quest giuven che maina ina chascha entira en la defaisa civila a Samedan.
RTR, Anna Caprez
7 / 15
Legenda:
Mintga stgatla vegn etichettada cun indicaziuns en russ, ucrainais e tudestg.
RTR, Anna Caprez
8 / 15
Legenda:
Las etichettas en trais linguas èn prontas.
RTR, Anna Caprez
9 / 15
Legenda:
Numerus èn er las gidantras e gidanters per questa acziun da la corporaziun evangelica d'Engiadin'Ota.
RTR, Anna Caprez
10 / 15
Legenda:
La diaconissa da Bever ed inizianta da l'acziun, Karin Last.
RTR, Anna Caprez
11 / 15
Legenda:
Seraina Pinggera da Bever è responsabla per la logistica.
RTR, Anna Caprez
12 / 15
Legenda:
Mintga artitgel vegn zavrà e pachetà en la stgatla correspundenta.
RTR, Anna Caprez
13 / 15
Legenda:
Grazia en ucrainais.
RTR, Anna Caprez
14 / 15
Legenda:
Il transport da stgatlas emplenidas è ina sfida.
RTR, Anna Caprez
15 / 15
Legenda:
Refurmo ramassa vinavant rauba per gidar en l'Ucraina.
RTR, Anna Caprez
Ramassà u cumprà
Entant ch’ils ins han mess ensemen rauba e medicaments ch’els han gia gì en chasa, han autras fatg spontan cumissiuns en butia ed han cumprà entirs palets cun barschuns da dents u pavel per animals.
L’acziun da ramassar rauba per l’agid en Ucraina cuntinuescha tenor Karin Last er las proximas emnas. Actualmain prendian ils numerus voluntaris encunter tut mintgamai il glindesdi e la mesemna saira sco er la sonda bun’ura.
En in emprim pass vegnian las donaziuns transportadas en in deposit a Cuira per suenter cuntinuar il viadi en direcziun Ucraina.
