Siglir tar il cuntegn

Header

cuntegn

Analisa Sconfitta per Christian Jott Jenny

audio
Na al dretg da vuschar per esters a San Murezzan – valitaziun dad Anna Caprez
ord RTR Audio dals 07.03.2021. Maletg: RTR
laschar ir. Durada: 3 minutas 49 Secundas.

San Murezzan di cleramain Na al dretg da vuschar per esters. Cun quai na riva il president communal da San Murezzan betg d’accumplir ina da sias empermischuns, ch’el aveva fatg durant il cumbat electoral.

Igl è perquai ina sconfitta persunala per Christian Jott Jenny. Durant ses cumbat electoral avant radund dus onns, aveva el numnadamain empermess da vulair integrar e dar ina vusch a mintgina e mintgin - era a persunas estras en vischnanca.

Vuschs da persunas estras n'han ins dentant strusch udì durant il cumbat da votaziun – vuschs ch'avessan forsa pudì influenzar il resultat da votaziun dad oz.

Per pudair interagir sin nivel communal resta als stgars 800 esters a San Murezzan vinavant be la via tradiziunala, quella d’acquistar il dretg da burgais svizzer.

Anna Caprez

Anna Caprez

Producenta Engiadina

Avrir la boxa da profil Serrar la boxa da profil

Anna Caprez lavura per RTR sco correspundenta da l'Engiadina. Dal biro a Samedan anora maina ella il team regiunal cun redacturas e redacturs da radio e televisiun.

RTR votaziuns 2021

Artitgels legids il pli savens