En il territori Prasüras a S-chanf vegn realisà in nov parc da sugas. La finamira dal terz parc da sugas en Engiadina, è tenor Schimun Grass, in dals iniziants, ch’el duai esser auter ch'ils parcs existents a Puntraschigna ed a Sur En da Sent.
Tematisar animals dal Parc Naziunal
Numnadamain vegnan tematisadas en il nov «ParcAlpin» a S-chanf differentas animals che vivan en il Parc Naziunal Svizzer. Uschia vegnan ins ad enconuscher tar mintga percurs in auter animal. Tranter auter la muntanella, il tschierv, il girun barbet ed il capricorn.
Il ParcAlpin na duai betg esser ina copia dad auters parcs. Noss parc duai far gust als giasts e svegliar l’interess per ils animals che vivan tar nus.
Lieu ideal
Persvas d’in terz parc da sugas en Engiadina è er il president communal da S-chanf, Riet Campell. Tenor el e il lieu dal parc, che sa chatta direct a l’entrada dal Parc Naziunal Svizzer, ideal.
Quest’attracziun è in stumpel per S-chanf e po esser ina schanza er per il turissem.
Avertura il fanadur
Las lavurs da construcziun duran anc in mument. Planisada è l’avertura dal nov «ParcAlpin» en il territori Prasüras a S-chanf ils 18 da fanadur da quest onn.
