Suenter la radunanza generala datti tar la Bieraria Tschlin SA in midament dal timun. A Philip Bucher che ha manà ils davos onns la bieraria suonda Reto Rauch da Sent. Reto Rauch ha gia manà la Bieraria Tschlin SA sco mainagestiun sur divers onns.
Sper Reto Rauch è vegnì reelegi Jonas Misteli en il cussegl administrativ, nov en il cussegl è dentant Remo Flütsch e Chasper Cadonau.
Bun onn da gestiun malgrà damain vendita
Il martgà da biera saja difficila, quai declara il mainagestiun actual Fadri Riatsch. Ma tuttina ha la Bieraria Tschlin SA realisà in pitschen gudogn per l'onn 2025. Cun il nov cusseglier administrativ Remo Flütsch haja ins chattà in profi en la vendita.
Nossa bieraria è pitschna e biologica, cun quella nischa sperain nus d'ans etablir.
Strategia da l’avegnir
La Bieraria engiadinaisa ha fatg in nov contract cun la bieraria Locher d'Appenzell. Quella surpiglia il embuttigliar e plinavant era la distribuziun. La bieraria ha embuttiglià l’onn 2025 radund 1530 hectoliters biera, circa quella massa dals onns oravant.
