L’ediziun dal 24. Bikemaraton Parc Naziunal ha stuì vegnir midada sin il traject alternativ. La raschun eran las prognosas d'aura per la sonda avantmezdi en l’Engiadina ch’han annunzià aura bletscha e fraida, cun naiv sin il Pass da Chaschauna.
Da nov ha la cursa roiala perquai manà da Scuol a Zuoz ed enavos – in traject cun ina lunghezza da 110 kilometers. Ord motivs da segirtad per ils participants e las participantas èn las partenzas da la cursa «Jauer» e «Livignasca» vegnidas spustada da Fuldera e Livigno a Zernez. Las partenzas per il traject «Putèr» davent da S-chanf e la pli curta davent da Zernez, èn restadas sco previsas.
Grazia a l'aura bletscha ha in u l'autra participanta gì da cumbatter cun belma e lozza.
Impressiuns dal Bikemaraton
-
Bild 1 von 21. Fadrin Barandun. Bildquelle: RTR.
-
Bild 2 von 21. Bildquelle: RTR.
-
Bild 3 von 21. Bildquelle: RTR.
-
Bild 4 von 21. Bildquelle: RTR.
-
Bild 5 von 21. Bildquelle: RTR.
-
Bild 6 von 21. Bildquelle: RTR.
-
Bild 7 von 21. Tinetta Thanei-Strimer. Bildquelle: RTR.
-
Bild 8 von 21. Franco Andrea Stöhr. Bildquelle: RTR.
-
Bild 9 von 21. Christine Moritz Buzzetti. Bildquelle: RTR.
-
Bild 10 von 21. Norbert Cavegn. Bildquelle: RTR.
-
Bild 11 von 21. Natalia e Martina Schudel. Bildquelle: RTR.
-
Bild 12 von 21. Duri ed Enea Poltera. Bildquelle: RTR.
-
Bild 13 von 21. Men Buzzetti è vegnì segund tar la cursa da 33 km davent da Zernez. Bildquelle: RTR.
-
Bild 14 von 21. Lino e Luca Giacometti da la Val Bergiaglia. Bildquelle: RTR.
-
Bild 15 von 21. Men e sia mamma Christina Moritz Buzzetti. Bildquelle: RTR.
-
Bild 16 von 21. Thomas e Corsin Pinchera. Bildquelle: RTR.
-
Bild 17 von 21. In bravo per tut ils participants da la cursa. Bildquelle: RTR.
-
Bild 18 von 21. amicizia vivida en il mund da sport. Bildquelle: RTR.
-
Bild 19 von 21. ils stizzis che restan da la cursa.... Bildquelle: RTR.
-
Bild 20 von 21. Raffael Ratti. Bildquelle: RTR.
-
Bild 21 von 21. Igl è stà dir..... Bildquelle: RTR.
La cursa sco project da famiglia
Per l’emprima giada èn gista trais commembers da la famiglia Buzzetti da Samedan a la partenza dad ina da las tschintg cursas dal Bikemaraton Parc Naziunal. Entant che la mamma Christine Moritz Buzzetti è cun 23 giadas ina participanta rutinada, vegni ad esser ina premiera per il figl giuven, Cla Buzzetti.
Ensemen cun ses frar Men Buzzetti, parta el per la cursa da 33 km a Zernez cun arrivada a Scuol. Lur mamma ha da surmuntar 70 km cun partenza a Livigno.
Entant ch’il sport da bike è per ils dus pli vegls dad els insatge che collia, è Cla Buzzetti da la partida be ord ina raschun: la mamma haja vulì ch’el sa participeschia, uschè il giuven da 13 onns. Pli gronda ambiziuns han perquai er Men e Christine Buzzetti per lur cuosas, numndamain da cuntanscher ina plazza da podest en lur categoria.
La 24avla ediziun è sin buna via
Il termin dal Bikemaraton enturn il Parc Naziunal Svizzer è per bleras participantas e blers participants fix, quai demussan las annunzias. Actualmain èn registradas radund 1'400 persunas per absolver in dals tschintg trajects enturn il Parc Naziunal Svizzer. Il dumber maximal per realisar ina cursa segira è 1'500 ciclistas e ciclists.
Il comité d'organisaziun sut la batgetta da la presidenta dal comité Chantal Mayor è vidlonder da preparar las davosas lavurs. Pervia da la blera plievgia ils davos dis mettan ins pais sin la preparaziun dal traject sez.
Ils 30 avust ha lieu la 24avla ediziun nua che radund 500 voluntarias e voluntaris vegnan ad esser en acziun per porscher a las participantas ed als participants ina cursa nunemblidaivla. Unic l'aura è, tenor la presidenta Mayor, in factur intschert.
Jau sun gnervusa pervia da l'aura, l’organisaziun sezza è sin fitg buna via.
Nov lieu d’arrivada a Scuol
Pervia d'in plazzal amez la vischnanca da Scuol e l’arrivada vegnida spustada a Gurlaina, nua che la halla da glatsch sa chatta – gist dador Scuol. Tenor Chantal Mayor vegn l'arrivada er il 2026 esser a Gurlaina, uschia che quest’onn vegn ad esser gist ina prova generala.
Las rutas dal Bikemaraton
-
Bild 1 von 4. Il «Putér»: 47 km e 870 meters d'autezza. Bildquelle: RTR Grafica.
-
Bild 2 von 4. Il «Zernezer»: 33 km e 435 meters d'autezza. Bildquelle: RTR Grafica.
-
Bild 3 von 4. Ruta alternativa curta: 76 km e 1'630 meters d'autezza. Zernez - Zuoz - Scuol. Bildquelle: RTR Grafica.
-
Bild 4 von 4. Ruta alternativa lunga: 109 km e 2'800 meters d'autezza. Scuol - Zuoz - Scuol. Bildquelle: RTR Grafica.