Il matg da quest’on aveva la radunanza dal cumin da Val Müstair refusà il contract da cooperaziun cun 52 cunter 31 vuschs. Oravant tut è vegnì crititgà, ch'uschè sco ch’il contract saja stipulà, haja il cumin en avegnir memia pauca influenza sin las decisiuns dal gremi. Ussa è quest artitgel vegnì adattà: en cas giustifitgads decida la maioritad absoluta. Uschiglio ston tuts partenaris esser perina.
Il contract da cooperaziun regla la collavuraziun tranter ils trais partenaris menziunads per mantegnair il reservat da la Biosfera renconuschì da l'UNESCO. Il cumin da Scuol ed era la fundaziun dal Parc Naziunal Svizzer han gia approvà quest contract da cooperaziun. Il contract è vegnì prolungà per 5 onns fin la fin da l'onn 2028.
audio
Per tadlar: curt e cumpact
ord RTR Audio dals 23.11.2023.
laschar ir. Durada: 1 minuta 4 Secundas.
