La capacitad maximala dal bogn fissan 320 persunas. Ma a partir da proxim glindesdi dastgan almain 160 persunas entrar en il Bogn Engiadina Scuol. Per il directur Claudio Duschletta è quai stà cler.
Il BES è in motor turistic in Engiadina Bassa, l’aspect finanzial è secundar en questa situaziun
Finì cun la pausa – era per il persunal
Radund 60 collavuraturas e collavuraturs vegnan ussa clamads da turnar a la lavur. Tenor il directur vesian ins en las fatschas da las collavuraturas ed ils collavuraturs il plaschair da puspè pudair cumenzar suenter ina pausa dad in mez onn.
Tut las partiziuns avran
Per pudair spargnar raps u custs da persunal è avrir mo ina part dal BES per Claudio Duschletta nagina opziun. En singulas partiziuns datti tschertas limitas d’entrada, ma la purschida avra sco usità, era il bogn Roman – Irlandais.
