129 da las 138 votantas e votants da la vischnanca Bregaglia han ditg Gea a la dumonda da credit da 4.5 milliuns francs per sanar il Centro Sanitario Bregaglia. Quai scriva la vischnanca sin sia pagina d’internet.
Il Centro Sanitario na correspunda betg pli als basegns d’ina tgira actuala e dovra urgentamain diversas investiziuns. Planisà è da modernisar l’edifizi istoric «Ganzoni» e da fabritgar daspera in nov edifizi. Uschia duai dar dapli spazi per differentas praticas da medischina. Las investiziuns totalas per sanar il Centro èn prevesidas cun 14.5 milliuns francs. Sche tut va bain pudessan las lavurs da construcziun cumenzar l’atun 2023.
