Siglir tar il cuntegn

Header

Sut davant dus grandas schanzas da saglir, sur en il tschiel blau in skiunz da freestyle che sgola e fa ses tricks.
Legenda: Las concurrenzas avessan lieu sin il Corvatsch e sin la Corviglia. Keystone
cuntegn

Campiunadi mundial freestyle Tuttina il 2025 en l'Engiadin'Ota?

La FIS vul retrair a la Russia il status sco candidat uffizial, perquai è ina candidatura engiadinaisa puspè actuala.

Suenter las sancziuns dal Comité olimpic internaziunal (IOC) encunter la Russia pervia dal scandal da doping vul la FIS retrair al pajais il status sco candidat uffizial per il campiunadi 2025. La FIS ha perquai contactà ils organisaturs en Engiadina cun la dumonda sch'els fissan tuttina pronts da candidar. La candidatura engiadinaisa era vegnida interrutta il matg 2019, suenter che la Russia aveva inoltrà sia candidatura.

Enavos sin champ 1

Ils promoturs da la candidatura han perquai dumandà in'ulteriura giada las vischnancas da la Regiun Malögia sch'ellas fissan prontas da sustegnair il campiunadi mundial da freestyle cun totalmain 4 milliuns francs. Enfin la fin d'avrigl duain ellas dar resposta.

Gia cler è che chantun e Confederaziun vegnissan a surprender mintgamai 4 milliuns francs vi dals custs.

Il matg vegn la FIS a decider a chaschun da lur congress, nua ch'il campiunadi 2025 vegn ad avair lieu.

RTR novitads 12:00

Artitgels legì il pli savens

Nach links scrollen Nach rechts scrollen