Sco emprim vali da tadlar e sa profundar en ils temas communals, quai è la tenuta dal nov capo communal da Scuol:
Jau na vuless betg avair ina pel dira, uschiglio manca il sensori per il visavi
Sco segund vali d'emprender d'enconuscher las collavuraturas e collavuraturs. Ella sa vesa sco persuna che dumonda e pretenda bler ma che vul era esser qua per tuttas e tuts, saja quai per il persunal ma era en collavuraziun cun il cussegl communal.
Trais gronds projects han actualmain prioritad e statan sisum la pluna d'actas dal capo communal. «Scuol Infra», in project che prevesa l’adattaziun da l’infrastructura turistica. Lura il project «scola Scuol+», ina reorganisaziun da tut l’infrastructura da scola e finalmain era il project fotovoltaic previs sin las costas tranter Sent e Scuol.
Ils dis en lungs, la lavur è intensiva, ina sfida persunala per Aita Zanetti. Dentant na dumogna ella betg da serrar giu il chau la saira cur ch’ella arriva a chasa, ma sperescha che quai sa meglra cun il temp.
- abita a Sent
- naschida 1970
- pura
- maridada e mamma da 4 uffants
- dapi 2018 deputada en il Cussegl grond (circul Suot Tasna)
- 2019-2022 vicepresidenta vischnanca da Scuol
- dapi 2023 presidenta communala da Scuol
- co-presidenta da l'Allianza dal Center dal Grischun
