Siglir tar il cuntegn

Header

video
Aita Zanetti è nova presidenta communala da Scuol
Or da Telesguard dals 25.09.2022.
laschar ir. Durada: 2 minutas 17 Secundas.
cuntegn

Scuol Aita Zanetti è nova capo

Il duel tranter ils dus Sentiners è decidì: Aita Zanetti da l'Allianza dal Center è la nova presidenta communala da Scuol. Ella ha survegnì 1'068 vuschs - la maioritad absoluta è stada tar 976 vuschs.

audio
Presidi Scuol: Aita Zanetti è l'emprima dunna sco Capo da Scuol
ord Actualitad dals 25.09.2022.
laschar ir. Durada: 2 minutas 33 Secundas.

Ses cuntracandidat Reto Rauch (PPS) ha survegnì 836 vuschs.

audio
Presidi Scuol: Reto Rauch n'è betg vegnì elegì
ord Actualitad dals 25.09.2022.
laschar ir. Durada: 1 minuta 42 Secundas.

Aita Zanetti è cunquai successura da Christian Fanzun ch'è stà ils emprims otg onns al timun da Scuol suenter la fusiun da las fracziuns Guarda, Ardez, Tarasp, Scuol, Ftan e Sent. Per ella è surtut la communicaziun impurtanta e da tadlar las differentas opiniuns per suenter trair ina decisiun.

Aita Zanetti, Allianza dal Center

Avrir la box Serrar la box
Legenda: RTR
  • abita a Sent
  • naschida 1970
  • pura
  • maridada e mamma da 4 uffants
  • dapi 2018 deputada en il Cussegl grond (circul Suot Tasna)
  • 2019-2022 vicepresidenta vischnanca da Scuol
  • dapi 2023 presidenta communala da Scuol
  • co-presidenta da l'Allianza dal Center dal Grischun

Cun la dunna da 52 onns daventa la vicepresidenta uss «capo» da la vischnanca Scuol. L'onn passà è Aita Zanetti vegnida enconuschenta en l'entir chantun sco presidenta dal Cussegl grond e cunquai «pli auta Grischuna».

Il suveran da Scuol ha er elegì sia suprastanza communala. Ina survista da las decisiuns chattais qua:

RTR novitads

Artitgels legids il pli savens