Christian Fanzun è stà ils emprims otg onns al timun da Scuol suenter la fusiun da las fracziuns Guarda, Ardez, Tarasp, Scuol, Ftan e Sent. La fin da quest onn dat l’um da Tarasp giu ses uffizi. Per sia successiun candideschan:
Aita Zanetti da l'Allianza dal Center
Avrir la boxSerrar la box
Aita Zanetti ha 52 onns, è maridada e mamma da quatter uffants, e maina cun ses um in bain puril a Sent. Dapi quatter onns è ella en la suprastanza da Scuol e deputada per l’Allianza dal Center e sco represchentanta dal circul Suot Tasna en il Cussegl Grond. Actualmain è la dunna che s’engascha per differentas societads ed organisaziuns vicepresidenta da la vischnanca da Scuol.
Reto Rauch dal PPS
Avrir la boxSerrar la box
Reto Rauch ha 47 onns, è maridà e bab da dus uffants, manader da gestiun da differents affars, tranter auter la Bieraria Tschlin. L’um da Sent s’engascha gia dapi onns sin il palc politic e tira ils fils da la PPS Grischuna. Er Reto Rauch s'engascha en differentas societads ed è stà organisatur dad occurrenzas da tut il gener. Il matg da quest onn è l’agronom vegnì elegì en il Cussegl Grond, er sco represchentant dal Circul Suot Tasna.
En la discussiun vid la maisa radunda prendan ils dus Sentiners che van en cursa posiziun areguard differents temas e raquintan er dapli davart lur strategias politicas.
Mias qualitads èn surtut da colliar, tschertgar il dialog e far punts.
Jau na sun segir betg in grond diplomat, dentant sa quai er esser mintgatant d’avantatg.
La populaziun da Scuol ha d’eleger in nov «capo» ils 25 da settember 2022 a l’urna. Il medem mument vegn er elegida la nova suprastanza per ils proxims quatter onns.
Dossier online
Avrir la boxSerrar la box
Legenda:
Grafica RTR
Sin in
clic
tut davart las votaziuns dals 25 da settember.
