Las investigaziuns cunter l'anteriur schef da la Polizia chantunala Engiadina, Marco Steck, èn sistidas. I na dettia nagins motivs da sentenziar el. Cunter quest acquittament è dentant vegnì fatg recurs tar la dretgira chantunala. Quai rapporta Radiotelevisione svizzera RSI.
Cunter Steck era vegnì investigà suenter ch'il whistleblower Adam Quadroni era vegnì arrestà il 2017 – apparentamain sut la direcziun da Steck. Quell'arrestaziun n'aveva dentant gì da far nagut cun la funcziun da Quadroni sco whistleblower en il cas dal cartel da construcziun, mabain cun dispitas da lètg.
Tant Quadroni sco er la cumissiun d'inquisiziun parlamentara eran stads da l'avis che l'arrestaziun saja stada nuncorrecta.
