Siglir tar il cuntegn

Header

audio
Process cunter il policist – la sentenzia
Or da Actualitad dals 17.12.2021.
laschar ir. Durada: 4 minutas 15 Secundas.
cuntegn

Process da dretgira Declerà nunculpant il policist en cas «Quadroni»

La dretgira regiunala Partenz / Tavau ha declerà nunculpant il policist en il cas dal «whistleblower» Adam Quadroni. Quai per tut ils puncts.

Al policist da la polizia chantunala eri vegnì renfatschà d'avair zuppentà infurmaziuns en il rapport suenter l'acziun cunter Adam Quadroni il november 2017. La procura publica aveva perquai rinfatschà al policist abus d'uffizi e sfalsificaziun da documents.

La derschadra ha argumentà la decisiun da declerar nunculpant il policist ch'el n'haja betg agì fauss intenziunadamain. Il policist inculpà saja stà persvas da proceder a moda correcta.

audio
Impressiuns dal process cunter il policist en il cas Quadroni
ord Actualitad dals 16.12.2021.
laschar ir. Durada: 5 minutas 20 Secundas.

Puncts d'accusa

En il coc vai per las renfatschas d'in policist ch'Adam Quadroni l'haja insultà e surtut smanatschà cun violenza. Il policist accusà ha fatg las investigaziuns tar questas renfatschas. En il rom da quellas haja el supprimì trais perditgas ch'avessan distgargià Quadroni – ch'han concret ditg ch'i n'haja betg dà insultas u violenza – e quai cun savair da las circumstanzas.

audio
Prevista sin il process cunter policist accusà
ord Actualitad dals 15.12.2021.
laschar ir. Durada: 4 minutas 57 Secundas.

Derschader regiunal declerà betg culpant

Il settember aveva la dretgira regiunala Partenz / Tavau gia tractà il process pervi d'abus d'uffizi cunter il derschader regiunal da l'Engiadina Bassa Val Müstair. Quai pervi d'avair lubì l'acziun da la polizia senza resguardar in'ordinaziun da la Dretgira chantunala. La finala era là resultà en emprim'instanza in acquittament: Il derschader regiunal na saja en ses agir betg svià a moda pesanta da dretg e lescha, cura ch'el haja decretà il relasch superprovisoric.

RTR actualitad 17:00 +

Artitgels legids il pli savens