Per modernisar ina part da la chasa d'emprendistas e d'emprendists a Samedan datti dal chantun radund 900'000 francs. L'associaziun purtadra da la chasa prevesa da far midadas en il tract da mattas. Tut en tut datti en questa emprima etappa 20 chombras novas – da quai 16 chombras singulas senza obstachels, e 4 chombras dublas.
La chasa d'emprendistas e d'emprendists da l'Engiadin'Ota è vegnida construida il 1968. En tschertas etaschas d'abitar saja quai necessari da renovar, cunquai ch'igl è per part anc uschia sco avant 50 onns.
