Siglir tar il cuntegn

Header

cuntegn

Chasa da scola veglia Nagins muntgs pli a Tschlin – «Bainesser» serra las portas

Il center da sanadad «Bainesser» ch'aveva fittà la chasa da scola veglia a Tschlin, banduna il vitg.

Ad ina saira d’infurmaziun, organisada da la vischnanca da Valsot, han ils responsabels infurmà ch'il center da sanadad «Bainesser» manà da Corsin Biert da Scuol banduna la fracziun da Tschlin. Tenor infurmaziuns scroda il contract il settember 2021. Co che l'avegnir dal center da sanadad vesa ora silsuenter, n'è betg enconuschent. Il manader sez n'ha betg vulì prender posiziun envers RTR.

Tai Chi, Kung fu e Qi Gong

Dapi il 2016 exista il center «Bainesser» nua che maisters da shaolin dattan lecziuns da Tai Chi, Kung fu e Qi Gong. Ma gia quest onn n'èn las portas betg vegnidas avertas. La vischnanca ha uss communitgà e confermà la serrada definitiva en la fracziun da Tschlin. La procedura per schliar il contract è en elavuraziun, ha infurmà la vischnanca da Valsot.

Ord l'archiv:

video
Shaolin a Tschlin – Corsin Biert e l’art da cumbatter
Or da Cuntrasts dals 12.12.2018.
laschar ir. Durada: 25 minutas 12 Secundas.

RTR novitads 06:00

Artitgels legids il pli savens