Siglir tar il cuntegn

Header

Las lavurs da construcziun da la nova chasa da tgira Promulins a Samedan han cumenzà.
Legenda: Las lavurs da construcziun da la nova chasa da tgira Promulins a Samedan han cumenzà. MAD
cuntegn

Chasa da tgira Promulins Lavurs da construcziun han cumenzà

L’emprima etappa per las lavurs da construcziun da la nova chasa da tgira a Samedan ha cumenzà.

En in emprim pass vegn auzà il pli nov dals dus edifizis da la chasa da tgira existenta per dus plauns. Sco ils responsabels scrivan en ina communicaziun, è quai sco soluziun transitorica per las abitantas ed ils abitants. Cun moduls da lain vegn pia auzà ed extais l’edifizi per 28 letgs. En la medem’etapa vegn engrondì il parcadi sutterran per 14 plazzas da parcar.

En ina segunda etappa vegn alura stratg giu l’edifizi pli vegl e construì da nov. En la nova chasa da tgira Promulins a Samedan, per las senioras ed ils seniors da las vischnancas da Puntraschigna fin S-chanf èn previs 60 letgs. Sche tut va tenor plan, è l’inauguraziun dal project da 53,5 milliuns francs prevesida l’onn 2023.

audio
Per tadlar curt e cumpact
01:13 min, RTR Audio dals 15.04.2021.
laschar ir. Durada: 01:13 minutas.

RTR novitads 12:00

Artitgels legids il pli savens

Scrollar a sanestra Scrollar a dretga