La regenza grischuna sto prender cleramain posiziun davart la colliaziun da tren tranter Scuol e Mals. Quai pretenda il deputà dal Cussegl grond, Mario Salis.
Sco la «Südostschweiz» scriva, ha il deputà da San Murezzan inoltrà trais dumondas che reguardan la colliaziun da tren tranter l’Engiadina ed il Vnuost/Vinschgau ch’il Cussegl grond vegn a tractar en sia sessiun d’october.
Il Tirol dal Sid è ina da las pli ritgas regiuns da l'Europa.
Tenor Salis èsi ussa il dretg mument per prender las mastrinas en maun.
Era il president dal Tirol dal Sid, Arno Kompatscher, aveva ditg la fin d'emna ch’il temp saja madir per lantschar da nov il project internaziunal.
L'idea n'è betg nova
Effectiv exista in project che fiss bunamain pront per realisar. La colliaziun tranter Scuol e Mals fiss totalmain 30 kilometers, la lunghezza dal tunnel var 25 kilometers. Tut tenor lieu da partenza, sa reduciss il temp da viagiar per var 45 minutas. Ils custs dal project muntassan a duas fin trais milliardas francs.
Ord l'archiv
RR novitads 06:00
