Il Concours Hippique Zuoz festivescha il 2025 sia 55avla festa, quai da mesemna, ils 6 d'avust fin dumengia, ils 10 d'avust. Pervia da la gronda dumonda cumenza ha l'eveniment cumenzà in di pli baud che usità. Cun var 1'400 partenzas en 20 examens ed in plazzament da circa 400 chavals daventa Zuoz danovamain il center dal sport da chavals.
Ina plazza da sablun da 6'200 meters quadrat procura per cundiziuns da concurrenza optimalas.
-
Bild 1 von 9. Il plaschair suenter avair absolvà in sigl da success è grond tar il chaval ed er tar ses patrun. Bildquelle: RTR.
-
Bild 2 von 9. En tut datti 20 premis. Causa l'aut dumber d'annunzias han quels per part gì da vegnir siglids en duas parts. Bildquelle: RTR.
-
Bild 3 von 9. Gia ils pli pitschens gidanters han lur vestgadira adequata. Bildquelle: RTR.
-
Bild 4 von 9. En tut èn 400 chavals durants quests dis a Zuoz en acziun. Bildquelle: RTR.
-
Bild 5 von 9. Bildquelle: RTR.
-
Bild 6 von 9. Bildquelle: RTR.
-
Bild 7 von 9. Ladina Tarnuzzer, presidenta dal comitè d’organisaziun. Bildquelle: RTR.
-
Bild 8 von 9. Ils seniors che n'èn betg pli activs, sustegnan il turnier cun lur preschientscha. Bildquelle: RTR.
-
Bild 9 von 9. Ladina Meyer-Ratti è respunsabla per l'access a la plazza da sigl. Bildquelle: RTR.
La presidenta dal comitè d’organisaziun, Ladina Tarnuzzer, suttastritga l' attractivitad dal Concours, en spezial per ils chavals che patissan tar tempreaturas sur 30 grads. Sin 1'700 meters d'autezza a Zuoz èn las temperaturas bler pli agreablas ed ils chavals han avunda spazi.
Impurtant saja er il sustegn da voluntarias e voluntaris. Per realisar in'occurrenza sco il Concours Hippique a Zuoz na giaja betg senza, di la presidenta dal comitè d’organisaziun.
In affar da famiglia
Tranter ils radund 100 gidanters e voluntarias ch'èn en acziun durant il turnier aud'ins adina puspè las medemas schlattainas sco Casty, Secchi u er Willy. Nums da famiglia dals co-fundaders dal Concours Hippique Zuoz avant 55 onns.
Ed entant seguan gia las proximas generaziuns che gidan, sin e sper la plazza da sigl, en l'administraziun u er en l'ustaria cun rumir las maisas en la halla da festa.