Concurrenza da mastergns - Ils «World Skills» èn la finamira

La concurrenza è immensa, la via è lunga. Tschintg etappas ston ils scrinaris e las scrinarias absolver per cuntanscher la finamira da las concurrenzas internaziunalas. Tut cumenza cun ina preselecziun nua che tuttas e tuts dastgan sa participar. I suonda ina concurrenza surregiunala, lura ina naziunala. Mo dus u duas da la Svizra dastgan finalmain sa participar als World Skills 2024 a Lyon en Frantscha.

Actualmain han lieu las preselecziuns. En il Grischun han quellas lieu a Samedan ed a Glion. La finamira è da fabritgar ina mobiglia per deponer sin maisa e leger in cudesch. Set uras han els temp per far tut la lavur e finalmain valitescha lura in expert la lavur.

Audiogalerie

Ina buna experientscha era en vista als examens

Per las emprendistas ed emprendists è questa occurrenza gist ina buna schanza per emprender a lavurar sin temp, per sentir il squitsch e per valitar persunalmain quant temp ch'ins dovra per leger ils plans, per sa preparar, tagliar e realisar finalmain la mobiglia tenor in plan.