La concurrenza è immensa, la via è lunga. Tschintg etappas ston ils scrinaris e las scrinarias absolver per cuntanscher la finamira da las concurrenzas internaziunalas. Tut cumenza cun ina preselecziun nua che tuttas e tuts dastgan sa participar. I suonda ina concurrenza surregiunala, lura ina naziunala. Mo dus u duas da la Svizra dastgan finalmain sa participar als World Skills 2024 a Lyon en Frantscha.
Actualmain han lieu las preselecziuns. En il Grischun han quellas lieu a Samedan ed a Glion. La finamira è da fabritgar ina mobiglia per deponer sin maisa e leger in cudesch. Set uras han els temp per far tut la lavur e finalmain valitescha lura in expert la lavur.
-
audioPieder Alig observa e valitescha la lavur dals emprendists06:12 min, ord Actualitad dals 04.11.2021.laschar ir. Durada: 6 minutas 12 Secundas. -
audioFlavio Caviezel suenter la surdada dal plan per la lavur04:18 min, ord Actualitad dals 04.11.2021.laschar ir. Durada: 4 minutas 18 Secundas. -
audioPreselecziuns per campiunadis da professiun03:10 min, ord Actualitad dals 04.11.2021.laschar ir. Durada: 3 minutas 10 Secundas.
Ina buna experientscha era en vista als examens
Per las emprendistas ed emprendists è questa occurrenza gist ina buna schanza per emprender a lavurar sin temp, per sentir il squitsch e per valitar persunalmain quant temp ch'ins dovra per leger ils plans, per sa preparar, tagliar e realisar finalmain la mobiglia tenor in plan.
Ils World Skills
A la 47avla occurrenza sa participeschan 1'400 participantas e participants da 60 differents pajais. Ils World Skills 2024 han lieu a Lyon en Frantscha. L’organisaziun World Skills s’engascha per la giuventetgna e lur avegnir. La participaziun a questa occurrenza internaziunala è in'enorma schanza per talents da differents mastergns ed ina plattafurma per ina carriera professiunala.
