Siglir tar il cuntegn

Header

video
Datti avunda emprendistAs en la clamada da scrinari?
Or da Telesguard dals 04.11.2021.
abspielen. Laufzeit 3 minutas 58 Sekunden.
cuntegn

Concurrenza da mastergns Ils «World Skills» èn la finamira

Radund 900 emprendistas ed emprendists da scrinari sa participeschan en Svizra a las preselecziuns. Ina scrinaria e trais scrinaris avain visità. A la fin dastgan dus u duas sa participar a las concurrenzas internaziunalas.

La concurrenza è immensa, la via è lunga. Tschintg etappas ston ils scrinaris e las scrinarias absolver per cuntanscher la finamira da las concurrenzas internaziunalas. Tut cumenza cun ina preselecziun nua che tuttas e tuts dastgan sa participar. I suonda ina concurrenza surregiunala, lura ina naziunala. Mo dus u duas da la Svizra dastgan finalmain sa participar als World Skills 2024 a Lyon en Frantscha.

Actualmain han lieu las preselecziuns. En il Grischun han quellas lieu a Samedan ed a Glion. La finamira è da fabritgar ina mobiglia per deponer sin maisa e leger in cudesch. Set uras han els temp per far tut la lavur e finalmain valitescha lura in expert la lavur.

Ina buna experientscha era en vista als examens

Per las emprendistas ed emprendists è questa occurrenza gist ina buna schanza per emprender a lavurar sin temp, per sentir il squitsch e per valitar persunalmain quant temp ch'ins dovra per leger ils plans, per sa preparar, tagliar e realisar finalmain la mobiglia tenor in plan.

Ils World Skills

Avrir la box Serrar la box

A la 47avla occurrenza sa participeschan 1'400 participantas e participants da 60 differents pajais. Ils World Skills 2024 han lieu a Lyon en Frantscha. L’organisaziun World Skills s’engascha per la giuventetgna e lur avegnir. La participaziun a questa occurrenza internaziunala è in'enorma schanza per talents da differents mastergns ed ina plattafurma per ina carriera professiunala.

RTR actualitad 07:00

Artitgels legids il pli savens

Scrollar a sanestra Scrollar a dretga