Siglir tar il cuntegn

Header

cuntegn

Coronavirus Nagina festa da la racolta en la Val Müstair

La 15avla ediziun da la festa da la racolta en la Val Müstair n’ha betg lieu sco prevesì ils 4 d’october 2020. Causa la situaziun actuala cun il coronavirus, han ils organisaturs decis da betg organisar la festa quest onn.

Registrar ils nums dals 5'000 visitaders e garantir per avunda distanza è bunamain impussibel.
Autur: David Spinnler president CO festa da la racolta Val Müstair

Pervia da la dimensiun da protecziun da la festa en Val Müstair ha il comité d'organisaziun la finala decidì da desister quest onn da l'eveniment.

Controlla impussibla

In’attracziun speziala è numnadamain il cortegi tras il vitg. Quel attira mintg’onn millis da visitaders en val. Ina gronda sfida per tegnair en tut las prescripziuns da distanza ed igiena fiss er stà tar la preschentaziun dals differents products indigens, uschia il president dal comité d’organisaziun.

Per controllar ed avair la survista, avessan ils organisaturs perfin gì da montar ina saiv enturn Valchava. Quai surpassia dentant definitivamain lur capacitads.

2021 cun ediziun da giubileum

Da stuair desister quest onn da la pli gronda festa en la Val Müstair saja stada ina greva decisiun. Dentant sa legran ils organisaturs sin l’ediziun proxim onn cun il giubileum da 10 onns Parc da natira Biosfera Val Müstair.

Ord l'archiv

video
Festa da racolta en Val Müstair
Or da Telesguard dals 05.10.2015.
laschar ir. Durada: 2 minutas 54 Secundas.

RTR novitads 06:00

Artitgels legids il pli savens