Siglir tar il cuntegn
Inhalt

Engiadina Countdown per las elecziuns a San Murezzan

Asprion e Jenny han anc ina giada vieut enavos las mongias da la chamischa per rimnar vuschs per il segund scrutini per eleger il president communal da San Murezzan.

La porta d'entrada en in bajetg
Legenda: La porta d'entrar en las localitads dal cussegl communal. RTR, Georg Luzzi

Medias socialas, paginas d’internet, inserats en gasettas e bler auter. Omadus candidats han, suenter l’emprima votaziun, stuì preschentar anc pli intensiv lur meglra vista per cuntanscher las vuschs necessarias per daventar il president communal da San Murezzan.

Sigi Asprion

La strategia principala da Sigi Asprion è quella da mussar a la populaziun lavurs prestadas dals davos otg onns en uffizi. Per el èsi stà in sbagl da betg communitgar quels pli intensiv. Ma era en il segment da la giuventetgna ha el constatà d’avair fatg anc memia pauc, malgrà che Sigi Asprion vuleva avant onns fundar in parlament per giuvenils, quel aveva però fatg naufragi.

Christian Jenny

Il parchet politic è nov per Jenny. Per sbagls dals onns passads n'ha el betg da prender posiziun. L’avegnir ensemen cun las giuvnas ed ils giuvens, quai è sia strategia. Cun visiuns e cun agid da las medias socialas ha Jenny activà las vuschs giuvnas.

70% da las votantas e dals votants èn sa participads tar l’emprim scrutini. 49% è il stadi actual quatter dis avant la dumengia da votaziun.

RR actualitad 12:00