Siglir tar il cuntegn

Header

cuntegn

Cuppa mundiala a Scuol Co po l'event da snowboard esser neutral al clima?

Il slalom parallel da la cuppa mundiala da snowboard 2022 a Scuol ha chaschunà 54 tonnas emissiuns da gas cun effect da serra.

La cursa vala sco «neutrala al clima» era cun 54 tonnas CO2. La cursa vegn numnadamain cumpensada tras autras mesiras. L’organisaziun turistica da l’Engiadina Bassa Val Müstair Samignun collavura cun la firma «myclimate», quels coordineschan las lavurs. Il turissem paja in import a la myclimate ed els investeschan quels raps en in project da plantaziun da guaud.

audio
Co po in event esser neutral al clima?
ord Actualitad dals 24.01.2023. Maletg: RTR, Georg Luzzi
laschar ir. Durada: 3 minutas 35 Secundas.

Il quint

Las emissiuns che la cursa procura vegnan administradas minuziusamain. Mintga kilometer, mintga sgol da helicopter, tutta energia, ils transports sin il lieu, il material, las mangiativas e bavrondas e finalmain er il rument vegn notà. In program calculescha la producziun da las emissiuns. Finalmain sto la destinaziun turistica pajar in import per quella causalitad e quest import vegn investi en projects persistents.

CO2 neutral tar in event na datti betg, ma ...

Per il responsabel tar l’organisaziun turistica in Engiadina Bassa, Sven Berchtold, vai tar quest project oravant tut per sensibilisar ils responsabels d’optimar onn per onn l’organisaziun e dad empruvar da spargnar viadis e da motivar da duvrar il traffic public e bler auter pli.

Il quint d’emissiun da la cursa ch'ha gì lieu a l’entschatta da schaner 2023 n'è anc betg sin maisa.

RTR actualitad 07:00

Artitgels legids il pli savens

Scrollar a sanestra Scrollar a dretga