Saltimbocca e piccata milanese, latiers in bun risot e sco dessert ina panna cotta. La maioritad dals umens al curs èn gist avant ubain han cumenzà la pensiun. Ussa vulan els finalmain emprender a cuschinar, ed uschia era sustegnair la dunna en cuschina.
Fin ussa saveva mo far ovs en paintg.
Tranteren ha quai però era singuls umens cun ina tscherta experientscha. Per els vai per vegnir a savair ulteriurs tips e trics da la manadra dal curs Agatha Mengiardi.
Curaschi è il pled-clav
Agatha Mengiardi vul dar als participants dal curs oravant tut il curaschi da ristgar da far menus. Ma ella vul durant il curs era furnir impurtantas infurmaziuns quai che reguarda la schelta, la cumpra e la persistenza dals products.
7 umens enturn la platta
-
Bild 1 von 6. Il menu previs durant il curs. Bildquelle: RTR.
-
Bild 2 von 6. Tadlar ils tips e trics da la manadra. Bildquelle: RTR.
-
Bild 3 von 6. La salata è pronta e bain decorada. Bildquelle: RTR.
-
Bild 4 von 6. Saltimbocca e piccata milanese cun risot. Bildquelle: RTR.
-
Bild 5 von 6. Panna cotta cun puma. Bildquelle: RTR.
-
Bild 6 von 6. La schelta da products – er in tema al curs. Bildquelle: RTR.
Natiralmain vai tar quest curs per emprender a cuschinar era per l’amicizia – quella stat en il center e vegn vivida cun baiver a la fin in bun magiel vin.