Dis dad ervas selvadias - Emprender co duvrar ervas selvadias per cuschinar

Betg be en la medischina vegnan ervas selvadias duvradas, mabain er en la cuschina pon ellas avair plaz. La flur da la vaivetta champestra (Feld-Witwenblume) vegn racoltada e duvrada sco decoraziun, or da la scabiosa ensemen cun la fegliascha pon ins far ina schuppa. Questas ervas e plantas dovra il cuschinier da stailas Paolo Casanova adina puspè en ses restaurant a Madulain.

Plantas giudiblas

Dar vinavant la savida

Durant la pandemia ha Paolo Casanova acquistà ina gronda savida davart ervas selvadias. L'entschatta ha il cuschinier duvrà be enturn 20 plantas per sia cuschina. Cun l’enconuschientscha creschenta, dovra il cuschinier da staila oz bundant 120 ervas. Cun ils dis da las ervas selvadias a Madulain, vul el dar vinavant sia savida, betg a cuschinunz professiunals, mabain a persunas che cuschinan sco hobi.

Podcast Nossa cuschina

RTR preschenta mintga mesemna in’autra tratga per cuschinar suenter.

Ulteriurs audios e podcasts

Adina puspè sin viadi en las vals lateralas da l'Engiadin’Ota

Entant è l’um da 45 onns bler en tschertga dad ervas selvadias per sia cuschina. Da bulieus en la Val Chamuera a La Punt-Chamues-ch, spassegiant la Val Susauna per chattar moffa islandaisa u er cun il mountainbike tar las violas sin ils pasculs d’alp sur Madulain.

Durant la spassegiada cun las persunas interessadas la damaun dal prim di da las ervas selvadias a Madulain, ha el mussà trais plantas, per demonstrar, co che las cuschinunzas pon duvrar ellas en recepts per in past.

Impressiuns da las spassegiadas e martgà dad ervas selvadias

Recept da Paolo Casanova