En sia emprima sesida en sia nova cumposiziun ha il cussegl communal da San Murezzan elegì unanimamain Leandro Testa da la PLD sco nov president. Il vicepresidi va a l'Allianza dal Center, a Martin Binkert. En pli ha il cussegl elegì il cussegl da scola, la cumissiun da finanzas sco era diversas autras cumissiuns communalas.
Dasper las elecziuns ha il nov cussegl communal legì per la segunda giada la lescha communala davart la nova organisaziun da turissem. La lescha è la basa per pudair fundar la nov'organisaziun turistica San Murezzan Turissem SA. Il cussegl ha deliberà la lescha per mauns da la votaziun a l'urna. Quella vegn ad avair lieu ils 12 da mars 2023.
audio
Per tadlar: las novitads da las 06:00
ord RTR Audio dals 20.01.2023.
laschar ir. Durada: 6 minutas 8 Secundas.
