Il president communal da Samedan partent ha fatg la cursa per il presidi en il chantun Son Gagl. Jon Fadri Huder da la PLD ha fatg 1'235 vuschs ed ha uschia cuntanschì il pli absolut da 1'079 vuschs. Ses cuntracandidat – er da la PLD – Christian Schmid ha fatg 912 vuschs.
Da l’Engiadina en il Toggenburg
Jon Fadri Huder è stà ils ultims otg onns president communal da Samedan. Sin la fin da quest onn ha l’um da 54 onns demissiunà. Curt suenter era vegnì enconuschent, ch’el candideschia per il presidi dad Ebnat Kappel. Ses nov uffizi cumenza l’Engiadinais il prim da schaner 2021. Tgi che vegn a succeder a Huder al timun da Samedan, decida la populaziun ils 29 da november 2020.
