Siglir tar il cuntegn

Header

audio
Er Silvaplauna sa statga da l'organisaziun turistica
Or da Actualitad dals 08.04.2022.
abspielen. Laufzeit 2 minutas 47 Sekunden.
cuntegn

Destinaziun turistica EO Er Silvaplauna n’accepta betg la cunvegna da prestaziun

Cun la sortida da San Murezzan, ch’è oz l’acziunari e pajader il pli grond da l’organisaziun turistica da l’Engiadin’Ota, na fetschian las structuras nov elavuradas per l’organisaziun betg senn. Quai scriva la vischnanca da Silvaplauna en ina communicaziun.

La suprastanza communala na saja betg perencletgà d’avrir l’acziunariat da l’organisaziun e da surdar ina part a las gruppas d’interess. Perquai haja la suprastanza communala decis unanim da betg suttascriver la nova cunvegna da prestaziun cun l’Engiadina San Murezzan SA. La vischnanca vul sa focusar en avegnir sin ils agens basegns. Ina collavuraziun regiunala saja però vinavant impurtanta, la dumonda saja en tge furma.

Valitar nov la situaziun

Per la regiun signifitga la decisiun da Silvaplauna da valitar danovamain la situaziun e da ponderar il futur da l’organisaziun. Quai ha ditg Andrea Gilli, il president da la regiun Malögia, sin dumonda dad RTR. Perquai che Silvaplauna n’haja betg disditg il contract a temp util, stoppian ins uss sclerir las pussaivladads per la collavuraziun futura. Atgnamain cuntinueschia il contract fin la fin da l’onn 2024. Tenor Andrea Gilli fetschia questa decisiun vegnir tut anc pli cumplitgà.

La destinaziun turistica ha elavurà durant ils ultims dus onns ensemen cun ils partenaris d’interess la nova cunvegna da prestaziun che duai ir en vigur al principi da l’onn 2023.

audio
Per tadlar: Curt e cumpact
aus RTR Audio vom 08.04.2022.
abspielen. Laufzeit 1 minuta 19 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga