Fin uss era la politica communala il tema central en la vischnanca da S-chanf. Cunzunt las desditgas dal president communal e dad auters emploiads communals han dà da discutar. Ma la novitad che in collavuratur haja fatg affars illegals metta tut quai en la sumbriva.
Per las abitantas ed ils abitants dal vitg da S-chanf è quai stà in pitschen terratrembel. Mai avessan els spetgà irregularitads. Blers n'han betg vulì prender posiziun tar las rinfatschas actualas, ma quels singuls che han ditg insatge al microfon da RTR deploreschan la situaziun en vischnanca.
Speranza che tut vegnia bun
La populaziun spera fermamain che l'istorgia enturn ils affars illegals da laina vegnia analisada a fund per vegnir a savair la vardad. Intgins han er la speranza che tut sa sclereschia.
RR actualitad 17:00
