Siglir tar il cuntegn

Header

video
Cumbat electoral a Samedan: Franziska Preisig u Gian Peter Niggli?
Or da Telesguard dals 19.11.2020.
laschar ir. Durada: 3 minutas 45 Secundas.
cuntegn

Elecziun presidi Samedan Tgi succeda a Jon Fadri Huder?

La fin da november elegian ils Samedrins lur nova presidenta u lur nov president communal. A disposiziun sa mettan la socialdemocrata Franziska Preisig ed il liberaldemocrat Gian Peter Niggli.

Franziska Preisig

La dunna da 47 onns è giurista, docenta a la scola spezialisada superiura da turissem a Samedan, mamma da quatter uffants e dapi il 2018 deputada en il Cussegl grond. In tema central che la dunna da la PS pigliass immediat per mauns sco presidenta communala da la vischnanca da Samedan saja il center dal vitg. Ella s’engaschass numnadamain ch’i dettia puspè dapli vita en il center da Samedan.

audio
Cumbat electoral Samedan: Franziska Preisig
ord Actualitad dals 17.11.2020.
laschar ir. Durada: 2 minutas 23 Secundas.

Gian Peter Niggli

Il Samedrin da la PLD ha 61 onns, è pur ed allevatur da vatgas Angus e dapi il 2010 deputà en il Cussegl grond. La decisiun da candidar per il presidi da Samedan haja el tratg suenter divers discurs e discussiuns. Per el saja impurtant da savair ch’ins haja ina buna suprastanza davostiers. Sco president communal s’engaschass Gian Peter Niggli per sbassar la taglia per che la vischnanca daventass pli attractiva.

audio
Cumbat electoral Samedan: Gian Peter Niggli
ord Actualitad dals 17.11.2020.
laschar ir. Durada: 2 minutas 31 Secundas.

Tgi che surprenda il post da Jon Fadri Huder, decidan ils Samedrins ils 29 da november.

RTR actualitad 6:00

Artitgels legids il pli savens