Siglir tar il cuntegn

Header

cuntegn

Emna da tgira La tschertga da persunal da tgira è ina sfida a Scuol

27 chasas d’attempads e da tgira en il Grischun han organisà dis da las portas avertas cun la finamira da schliar il manco da persunal en la sparta da tgira. Ina tala occurrenza hai era dà a Scuol.

Cun flyers, placats, broschuras, in film e dapli ha il Center da sanadad a Scuol organisà in'occurrenza en la chasa d’attempads Puntota a Scuol. Ma l’interess è stà pitschen, conferma la responsabla per la scolaziun da tgira Sonja Schmidt. Be tschintg persunas han chattà la via.

Nus tschertgain glieud cun il cor al dretg lieu e cun plaschair da lavurar cun persunas.
Autur: Sonja Schmidt Responsabla per la scolaziun da tgira al CSEB

Igl è previs da lantschar ulteriuras mesiras per tschertgar glieud giuvna, ma era persunas pli veglias ch'han l'intenziun da midar lur professiun ed entrar en il mund da la tgira.

audio
Pauc interess en center da sanadad a Scuol
aus Actualitad vom 06.04.2022.
abspielen. Laufzeit 3 minutas 1 Sekunde.

Martina Werner ha fatg il pass

Oriundamain ha Martina Werner lavurà en la sparta d'hotellaria - bainspert ha ella dentant decis da far in midament. Oz è la dunna d'Ardez tgirunza diplomada e lavura en l'ospital a Scuol. Savend che mintga mastergn ha ses avantatgs e dischavantatgs – ella n'è mai s’enriclada d’avair fatg quest pass.

RTR actualitad 07:00

Artitgels legids il pli savens

Scrollar a sanestra Scrollar a dretga