Siglir tar il cuntegn

Header

audio
Intervista cun il president dal Engadin Ultra Trail, Reto Franziscus
Or da Sport ed actualitad dals 18.07.2021.
laschar ir. Durada: 03:13 minutas.
cuntegn

Engadin Ultra Trail Organisaturs sa mussan cuntents cun l'emprima ediziun

Questa fin d'emna ha gì lieu l'emprima ediziun da l'Engadin Ultra Trail – ina occurrenza cun cursas sin plirs trajects, il pli lung è passa 100 kilometers. Tut en tut è Reto Franziscus, il president da l'Engiadin Ultra Trail, cuntent.

Las cursas sajan gartegiadas, ils var 540 participants e participantas sajan cuntentas, ha ditg Reto Franziscus envers RTR. Plinavant saja l'aura stada buna per ils curridurs. Cun quai ch'il sulegl n’ardeva betg, saja stà pli agreabel per las curriduras ed ils curridurs.

Igl haja dentant schon dà intgins «problemins», sco quai che Reto Franziscus als numna. Uschia na sajan intginas tastgas betg stadas al dretg lieu. Problems gronds n'hai dentant betg dà. Uss giajan ils organisaturs vi d'analisar ils dis da cursa per pudair adattar ils detagls per las proximas ediziuns.

Emprima ediziun era vegnida spustada per in onn

Pronts per manar tras l’emprim Engadin Ultra Trail fissan ils organisaturs stads gia l’onn passà. Pervia da corona han ins lura però stuì spustar l’eveniment per in onn.

RTR Sport ed actualitad 17:00

Artitgels legids il pli savens

Scrollar a sanestra Scrollar a dretga