Siglir tar il cuntegn

Header

audio
La diagonela: sfidas organisatoricas ed in nov lieu da partenza
Or da Actualitad dals 21.01.2022.
laschar ir. Durada: 3 minutas 43 Secundas.
cuntegn

Engiadin'Ota Nov lieu da partenza per «La Diagonela»

Ils 22 da schaner ha lieu la novavla ediziun da la cursa da passlung «La Diagonela». Quai cun differentas adattaziuns.

Pir in’emna e mez avant l’occurrenza han ils organisaturs da la cursa da passlung en stil classic «La Diagonela», survegnì il permiss da Chantun e Confederaziun. Malgrà l’OK a curta vista, saja l’organisaziun ida bain quest onn. Quai ha ditg Ramun Ratti, il president dal comité d’organisaziun.

Cuntrari ad autras occurrenzas da sport ha «La Diagonela» – che fa part a la VISMA Ski Classics, ina seria da cumpetiziun professiunala da passlung classic – er pudì avair lieu l’onn passà. Là però be per sportistas e sportists professiunals.

Las experientschas da l’onn passà han gidà nus per l’organisaziun da quest onn. Uschia avain nus gia gì pront differents scenaris pussaivels
Autur: Ramun Ratti president dal comitè d'organisaziun «La Diagonela»

In nov lieu da partenza ed ina distanza pli curta

Per l’ediziun 2022 han ils organisaturs stritgà il program ch’era previs endadens. Duschas per las curriduras ed ils curridurs na stan betg a disposiziun ed er la festa suenter la cursa è stritgada. Uschia po l’occurrenza avair lieu cun la regla da 3G.

Il traject da la cursa principala, «La Diagonela», è vegnì adattà per quest onn. La partenza è da nov a Puntraschigna e la distanza da la cursa è vegnida reducida da 65 sin 55 kilometers. Quai ord differents motivs. Per l’ina ha quai da far cun las temperaturas bassas tranter Zuoz e Samedan, nua ch’il traject è en la sumbriva. Latiers han ins er constatà che – malgrà 10 kilometers pli curt – il nov traject è difficil avunda. Entant ch’il lieu da partenza da «La Diagonela» sa sposta pia da Zuoz a Puntraschigna, restan ils trajects da las duas cursas pli curtas «La Pachifica» e «La Cuorta» tuttina.  

RTR actualitad 12:00

Artitgels legids il pli savens

Scrollar a sanestra Scrollar a dretga