Siglir tar il cuntegn

Header

cuntegn

Engiadin'Ota: Tests da massa Resultats èn sin maisa

Il resultats dals tests da massa posteriurs ch'ins ha fatg tar il persunal d'hotel e las scolas da skis a San Murezzan èn sin maisa. E l'analisa mussa che la rata da positivitad è pli bassa che tar quels ch'ins aveva fatg ordavant tar l'entira populaziun.

Suenter ch'ins aveva fatg tests da massa a San Murezzan pervia da la versiun mutada dal coronavirus hai dà tests posterius tar il persunal da hotel e scola da skis en l'Engiadina'Ota. Quels tests mussan che var 0.8% da las bun 1'900 persunas testadas èn stadas positivas, uschia scriva l'Uffizi chantunal da sanadad. Tar ils test da massa en la populaziun da San Murezzan era 1% da las persunas stadas positivas.

Testà han ins il persunal da hotel a San Murezzan e Schlarigna sco era scolastas e scolasts da skis che lavuran en ils territoris Corviglia e Corvatsch. Tar 3 da las en tut 15 persunas positivas han ins constatà la varianta mutada dal virus. Quels tests posteriurs èn stads ina mesira da segirtad suenter ch'il chantun aveva fatg tests da massa a San Murezzan pervia ch'ins aveva constatà plirs cas da la varianta mutanda en hotels da luxus a San Murezzan.

audio
Per tadlar curt e cumpact
ord Actualitad dals 29.01.2021.
laschar ir. Durada: 55 Secundas.

RTR novitads 17:00

Artitgels legids il pli savens