Abitantas ed abitants da Susch dovran vinavant pazienza fin ch'i dat in sviament. Anc almain dus onns resta la situaziun da traffic tras il vitg al pe dal Flüela en l’Engiadina Bassa sco quai ch’ella è.
La raschun per quest retard è ina decisiun dal Tribunal federal areguard il sviament da Schmitten ch'influenzescha la projectaziun da vias e sviaments planisadas en Grischun. Sco l'Uffizi chantunal da construcziun bassa scriva en ina infurmaziun als abitants da la vischnanca da Zernez stoppian perquai anc vegnir fatgs divers scleriments. Concret vul quai dir, ch'igl è dad adattar il plan directiv per il sviament da Susch. E perquai stoppian ins evaluar las differentas variantas en cumbinaziun cun las ponderaziuns d’interess.
Fin che la permissiun da la Confederaziun saja sin maisa, saja da far quint cun in temp da dus onns, scriva l'uffizi cantunal. Cunquai ch’auters projects da sviament èn gia uss pli avanzads, perda il sviament Susch uss la prioritad 1.
Ord l'archiv:
