L'uniun Kalkwerk s'engascha per lavurar innovativ cun chaltschina producida or da crap dolomit engiadinais. Uss survegn l'uniun il premi d'innovaziun 2023 da la regiun Engiadina Bassa/Val Müstair. Quel è dotà cun 3'000 francs e vegn surdà la fin da zercladur.
La producziun da la chaltschina succeda a Sur En da Sent. Las duas persunas-clav da l'uniun Kalkwerk èn l'architecta Delphine Schmid e l'um che fa chaltschina, Joannes Wetzel. L'elecziun da l'uniun Kalkwerk argumentescha la regiun Engiadina Bassa/Val Müstair cun la maschaida da tradiziun, innovaziun ed art .