Siglir tar il cuntegn

Header

Bastun da lain.
Legenda: Il bastun da lain «cumpogn» pon ins prender dapart per metter en il satgados. RTR, Georg Luzzi
cuntegn

Engiadina Bassa / Val Müstair Scrinaria Lingenhag survegn il premi d’innovaziun 2019

In bastun cun il num «cumpogn» ha fatg la cursa – la Regiun Engiadina Bassa / Val Müstair surdat quel premi per projects innovativs

Tar il bastun «cumpogn» sa tracti d’in product en lain da schember indigen cun la pussaivladad da prender dapart quel en quatter tocs per al metter en il satgados. Creà il bastun ha la scrinaria Lingenhag da Seraplana (Valsot) ensemen cun l’architecta Adina Hänny che abita a Curia.

Pliras persunas che tegnan in bastun da lain.
Legenda: Da sanestra: Martina Schlapbach, Armon Lingenhag, Adina Hänny e Victor Peer. RTR, Georg Luzzi

La Regiun Engiadina Bassa / Val Müstair surdat dapi il 2011 il premi d'innovaziun a firmas da la regiun. Cun il bastun da chaminar che porta il num «cumpogn» ha la scrinaria Armon Lingenhag preschentà in project innovativ, persistent e cun creaziun da valur. Il premi è dotà cun ina summa da 3’000 francs.

La schelta per il premi d’innovaziun fa mintgamai la suprastanza dal Forum Engiadina Bassa / Val Müstair ensemen cun la sviluppadra da la regiun. La nominaziun fa a la fin lura la Conferenza da presidents da la Regiun Engiadina Bassa / Val Müstair.

RTR novitads 17:00

Artitgels legids il pli savens

Scrollar a sanestra Scrollar a dretga