La radunanza communala da Valsot ha consentì unanimamain il contract da fusiun tranter la Chasa da Dmura Puntota a Scuol cun il «Center da sandà Engiadina Bassa». Scuol e Samignun han gia decis la dumengia, uss manca anc il consentiment da la vischnanca da Zernez per realisar la «Chüra futura, l'avegnir da la chüra in Engiadina Bassa». Zernez decida questa saira.
Il contract da fusiun prevesa ina stretga collavuraziun tranter la Chasa da Dmura ed il Center da sandà. Quai oravant tut en ils secturs administraziun, cuschina, linscharia e tecnica.
Scuol e Samignun han ditg Gea
Preventiv 2020
Ultra da quai ha la radunanza communala da Valsot approvà unanimamain il preventiv 2020. Quel prevesa in gudogn dad 1,5 milliuns francs, quai tar expensas da 9,7 milliuns. Ed investiziuns nettas èn planisadas per la summa da 3 milliuns francs. Il pe da taglia vegn laschà sin 95% da la taglia chantunala simpla.
RTR novitads 06:00+