Siglir tar il cuntegn

Header

cuntegn

Engiadina San Murezzan SA Vischnanca da San Murezzan deplorescha indiscreziuns

Sche San Murezzan sorta definitivavamain da la destinaziun turistica Engiadina-San Murezzan n’è betg anc decis. Sco la suprastanza communala ha communitgà oz, haja ella entant prendì per enconuschientscha la recumandaziun da la cumissiun da turissem.

I saja stà in sbagl che la recumandaziun da la cumissiun da turissem da San Murezzan saja vegnida a la publicitad. La suprastanza communala da San Murezzan deploreschia las indiscreziuns.

En in proxim pass vul ella tractar la fatschenta ensemen cun la cumissiun da turissem ed il cussegl communal per la finala pudair suttametter ina proposta al suveran. Plinavant scriva la suprastanza communala ch'i saja impurtant che la commerzialisaziun turistica da San Murezzan e da tut las vischnancas da la Regiun Malögia stettia ils proxims onns sin ina basa solida.

audio
Per tadlar: curt e cumpact
ord RTR Audio dals 01.02.2022.
laschar ir. Durada: 1 minuta 4 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga