Siglir tar il cuntegn

Header

Puntraschigna.
Legenda: La vischnanca da Puntraschigna sustegna il World Ethic Forum che duai avair lieu l'october. Keystone
cuntegn

Finanziaziun da partenza Puntraschigna sustegna il World Ethic Forum

Il forum ch'è planisà l'entschatta d'october en Engiadina metta en il center la giustia sociala ed ecologica. La suprastanza communala da Puntraschigna ha uss decidì da sustegnair questa occurenza er finanzialmain.

La suprastanza communala da Puntraschigna beneventa che l'occurrenza vegn realisada en l'Engiadina ed a Puntraschigna ed ha perquai concedì ina finanziaziun da partenza da 30'000 francs. I

Il World Ethic Forum è planisà per il 1. fin ils 3 d'october da quest onn. En il center stat il discurs etic. Finamira saja dad elavurar propostas e vias per realisar in mund, nua ch'ils dretgs da tut las creaturas e da la terra sco tala vegnan renconuschids e respectads, resulta ord ina descripziun dal project.

Persunalitads da la Svizra e da l'entir mund

I vegn spetgà che radund 500 persunas sa participeschan al Forum. Dasper bleras persunalitads svizras, è annunziada er la germanista, sociologa e schurnalista keniana, Rita Auma Obama. Ella è ina mesa sora da l'anteriur president american, Barack Obama.

President da l'uniun World Ethic Forum è Mark Zumbühl, anteriur mainafatschenta da la Pro Infirmis, e mainafatschenta dal forum è Linard Bardill.

RTR novitads 10:00

Artitgels legids il pli savens

Scrollar a sanestra Scrollar a dretga