Siglir tar il cuntegn

Header

audio
World Ethic Forum: Sch'i na va betg per economia, dentant etica
Or da Actualitad dals 26.01.2021.
abspielen. Laufzeit 2 minutas 36 Sekunden.
cuntegn

Puntraschigna WEF: In forum davart etica, betg davart economia

A Puntraschigna datti la fin d'avust il «World Ethic Forum» – in forum davart dumondas eticas e persistenza. En tut duain circa 300 persunas far part, quai han ils organisaturs ditg ad ina conferenza da pressa.

Ina fin d'emna cun gitas, animals, plantas, plantinas e sesidas filosoficas, quai ina part dal program dal «World Ethic Forum» ch'ha lieu ils 27 e 28 d'avust a Puntraschigna. Durant quel duain dumondas davart l'etica, persistenza ubain er agricultura durabla star en il center, uschia. Il forum era gia planisà l'onn passà, ha dentant stuì vegnì spustà pervia la pandemia. Ils organisaturs fan quint cun var 300 participants, per l'occurenza èn els anc en tschertga da voluntarias e voluntaris sco er letgs. Il budget saja enturn 250'000 - 300'000 francs.

Il forum duai esser in spievel dal WEF che discutescha dumondas eticas – cun la tesa che la maniera co che Klaus Schwab fa ses inscunter a Tavau na funcziuneschia quai betg. Il Word Ethic Forum lessia far quai auter.

Projects durabels da lontan a manaivel

Purtader dal forum è l'uniun World Ethic Forum. Quella veglia esser ina plattafurma per projects persistents e novas iniziativas che vulan laschar enavos a la giuvna generaziun in mund intact, quai aveva declerà il directur dal forum Linard Bardill il schaner 2021 cura che l'idea era vegnida preschentada.

audio
Linard Badill: «Nus stuain cumenzar a studegiar danovamain l'economia»
aus RTR Audio vom 25.01.2021.
abspielen. Laufzeit 19 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga