Siglir tar il cuntegn

Header

cuntegn

Gieus olimpics da giuvenils Lai da San Murezzan anc betg avunda schelà

A Losanna ed a San Murezzan han lieu dals 9 fin ils 22 da schaner ils gieus olimpics d'enviern dals giuvenils. Il patinadi da sveltezza è previs sin il glatsch dal Lai da San Murezzan. Ma il glatsch n'accumplescha actualmain betg anc las premissas per realisar ina pista.

Purtret dal lai.
Legenda: Il lai da San Murezzan n'è anc betg schelà avunda. RTR, Geor Luzzi

Organisaturs da buna speranza

Ils organisaturs per ils gieus olimpics d’enviern 2020 a San Murezzan èn optimistics. Las temperaturas ed era la prevista da l’aura per ils proxims dis fan speranza, uschia il schef dal lieu e responsabel per l’infrastructura Martin Berthod.

Alternativ sin il Lai da Staz

Sco alternativa èsi previs da preparar provisoricamain era il glatsch sin il Lai da Staz che sa chatta en vischinanza dal Lai da San Murezzan.

Ils gieus olimpics d’enviern da giuvenils han lieu per la terza giada a San Murezzan. Là han lieu las occurrenzas bob, scarsolar e skeleton e per l’emprima giada era las occurrenzas da patinadi da sveltezza sin il glatsch natiral. Il lieu principal dals gieus olimpics da giuvenils en Svizra è Losanna.

Ord l'archiv

Il mars 2018 han ins fatg tests da stress per il glatsch sin il Lai da San Murezzan. La finamira da quel project è stà d'augmentar la segirezza per tut ils eveniments durant l'enviern.

Video
Occurrenzas sin il glatsch dals lais en Engiadin’ota.
Or da Telesguard dals 20.03.2018.
laschar ir

RTR novitads 06:00