Siglir tar il cuntegn

Header

video
Sin visita tar Giuliana Werro – in di suenter sia victoria al maraton
Or da Telesguard dals 13.03.2023.
laschar ir. Durada: 3 minutas 14 Secundas.
cuntegn

Giuliana Werro In siemi è vegnì vair – las cornas èn sin maisa

La passlunghista Giuliana Werro ha gudagnà la dumengia la 53avla ediziun dal Maraton da skis engiadinais. Il sport è sia gronda passiun.

Pudair purtar a chasa las cornas dal capricorn – quai era adina in siemi. L’Engiadinaisa da 23 onns ha ussa cuntanschì questa finamira.

Jau na sun betg agitada avant ina cursa, ma questa giada era jau en ina tscherta moda agitada
Autur: Giuliana Werro Passlunghista dal cader C da Swiss-Ski
audio
In siemi e vegni vaira – las cornas en sin maisa
ord Actualitad dals 13.03.2023. Maletg: RTR
laschar ir. Durada: 2 minutas 48 Secundas.

Il passlung è ina passiun

Tut la vita da Giuliana Werro stat sut l'ensaina dal passlung. Actualmain fa ella part al cader C da Swiss-Ski. Quest triumf al maraton dat ad ella nov schlantsch da proseguir cun il sport preferì. Dasperas fa ella in studi a distanza. Era quel ha in cler connex cun il sport, dapi bunamain dus onns studegia ella psicologia da sanadad.

Per sa recrear prenda Giuliana Werro gugent in cudesch enta maun. Ella legia gugent, e quai en lingua norvegiaisa. La Norvegia è il pajais dal passlung, e durant ils davos onns ha ella legì blera litteratura da quest pajais ed uschia emprais la lingua.

La stagiun da Giuliana Werro n’e anc betg a fin. La proxima fin d’emna han puspè lieu cursas, e lura suondan bainbaud ils campiunadis svizzers en l'Engiadina. Cun l’emprima plazza al Maraton da skis engiadinais va ella ussa cun grond schlantsch en l'avegnir.

RTR Telesguard 17:40;

Artitgels legids il pli savens