Siglir tar il cuntegn

Header

audio
Tuns e suns da la festa da giubileum
Or da Actualitad dals 17.07.2023. Maletg: RTR
laschar ir. Durada: 3 minutas 53 Secundas.
cuntegn

Gronda festa a Samedan Giubileum dubel en Chesa Planta

A Samedan è vegnì festivà in giubileum dubel questa fin d'emmna: 50 onns Emmas da lingua e cultura e 80 onns Fundaziun de Planta Sameda.

Cun pleds festivs, gratulaziuns da tuttas varts, in'exposizun speziala davart il puter, musica ed ina chanzun per il giubileum han ins festivà quella fin d'emna en Chesa Planta Samedan.

Center da cultura e lingua

La fundaziun de Planta Samedan festivescha quest onn il giubileum dad 80 onns. La Chesa Planta era blers onns in monument betg accessibel per la populaziun, il plaz oravant era serrà cun ina chadaina. Oz è quai auter; il plaz è accessibel e la porta imposanta envida d'entrar e sfundrar en il mund dal rumantsch puter ed il stgazi cultural da l'Engadin'Ota.

Chanzun per giubileum

Per il giubileum ha la musicista oriunda da La Punt Chamues-ch, Martina Linn scrit ina chanzun cun il titel «Nossa chesa». Cun quai ch'ella scriva normalmain musica per englais ha ella gì agid da la manadra da la Chesa Planta Martina Shuler-Fluour, che ha er motivà la musicista d'insumma chantar en puter. La chanzun ha gì premiera la sonda saira sin la plazza avant la Chesa planta. Quai ensemen cun autras musicistas rumantschas: Astrid Alexandre, Ursina Giger, Pascal Gamboni, Rees Coray e Samuel Bauer. La chanzun duai dar in maletg da la Chesa Planta e sia istorgia.

audio
80 onns Fundaziun de Planta: La chanzun da giubileum
ord Actualitad dals 17.07.2023. Maletg: RTR
laschar ir. Durada: 2 minutas 46 Secundas.

Chanzun da giubileum

Avrir la box Serrar la box

Nossa chesa (refrain)

Ün bel di da prümavaira

vos possess vais regalo,

ün s-chazi da l'istorgia

a nus tuots vais duno.

Sün quista plazza granda

vulains hoz festager

l'istorgia da nossa chesa,

laschan's celebrer!

Musica: Martina Linn

Text: Martina Linn e Martina Shuler-Fluor

RTR actualitad 07:00

Artitgels legids il pli savens