Siglir tar il cuntegn

Header

La halla Gurlaina a Scuol
Legenda: La halla Gurlaina a Scuol. ANR, Flurin Andry
cuntegn

Gurlaina SA Scuol Buna frequentaziun da clubs da hockey il 2019

La halla da hockey è ina purschida attractiva per clubs da hockey externs, ma era per events sco il Bike-Maraton. L’onn 2019 n'è betg stà pertutgà da las mesiras da corona, l’interess dals clubs da hockey esters durant ils mais da stad ed atun è stà bun e finalmain ha era la sanaziun tecnica vi da la halla manà ad in quint equilibrà per la Gurlaina SA.

Tenor infurmaziuns dal manader tecnic dals implants da sport, Mario Duschen, han ins spargnà bunamain 60% dals custs d'energia, causa las novas installaziuns tecnicas. Plinavant saja la halla da glatsch fitg attractiva per clubs da hockey regiunals, ma oravant tut era per externs.

La halla da hockey generescha radund 340’000 francs cun fittanzas a clubs ed events. La pli gronda entrada vegn però da las vischnancas Scuol, Valsot e Samignun. Quellas pajan ensemen ina contribuziun da 145’000 francs a la Gurlaina SA.

La radunanza generala ha lieu ils 9 da zercladur.

RTR novitads 12:00

Artitgels legids il pli savens

Ir a sanester Ir a dretg