Siglir tar il cuntegn
cuntegn

Engiadina Il segund scrutini attira danovamain il suveran

La proxima fin d’emna ha lieu il segund scrutini per il presidi da San Murezzan. Actualmain han gia 32 % bittà en il cedel da vuschar. Probablamain datti puspè in'auta participaziun. Per omadus candidats, per Sigi Asprion ed per Christian Jenny quinta mintga vusch.

La vischnanca da San Murezzan
Legenda: La vischnanca da San Murezzan mad

Gia ussa han radund 32% da la populaziun, vul dir 800 votantas e votants, decis per in candidat e bittà en il cedel electoral.

Resultat stretg en l'emprim scrutini

Sigi Asprion ha obtegnì 809 e Christian Jenny 824 vuschs en l' emprima tscherna. Omadus n'han betg cuntanschì la maioritad absoluta da 829 vuschs.

Tar l’emprima elecziun è la participaziun stada gronda, radund 70%. Tar il segund scrutini spetg'ins puspè ina auta participaziun. San Murezzan ha tradiziunalmain ina participaziun da radund 40% tar elecziuns, quai tenor infurmaziuns da la vischnanca da San Murezzan.

RR actualitad 12:00