L’Institut Otalpin Ftan scriva per l’onn 2022/23 in deficit da radund 1,9 milliuns francs.
Entradas
Oravant tut il program da scola sut il num «Ignite» ha procurà per entradas da 1,5 milliuns. Quest project è vegnì lantschà l’onn 2023 nua che studentas e students da la rait EiM internaziunala dastgan prender part. Il program è ina cumbinaziun tranter aventura e scolaziun.
Sortidas
L’Institut Otalpin ha investì il davos onn ferm en il program da scola ed er en la modernisaziun da la scola. Chombras cun bogn e locals da dimora, plinavant èn il locals da scola vegnids modernisads. Finalmain è era la signalisaziun vegnida actualisada. Tut ensemen han ins investì bunamain 10 milliuns francs.
La partenanza cun l'acziunari da maioritad, numnadamain Education in Motion (EiM), ma era la stretga collavuraziun cun la Regiun Engiadina Bassa Val Müstair ed era la vischnanca da Scuol sa mussa constructiva, quai tenor la communicaziun a las medias.
L’Institut Otalpin a Ftan dastga festivar durant il proxim on da scola ses 230avel anniversari.
