Siglir tar il cuntegn

Header

Video
Institut Otalpin Ftan vul carmalar dapli scolars da la China
Or da Telesguard dals 24.01.2020.
laschar ir
cuntegn

Institut Otalpin Ftan Chinais en visita a Ftan

Dapi l'october 2018 mainan Beat ed Ursula Sommer l’Institut Otalpin a Ftan. Lur missiun: manar la scola ord las cifras cotschnas e quai tranter auter cun acquirir scolaras e scolars da l’Asia.

La scola media en Engiadina Bassa dovra urgentamain dapli scolars. Quai mussa il grond deficit da passa 1 milliun francs, ch'è vegnì preschentà l’emna passada a chaschun da la radunanza generala.

Spezialmain precara saja la situaziun en l'internat, che vegn nizzegià actualmain be da 24 scolaras e scolars. Var 50 scolaras e scolars duvrass la scola per vegnir tar il «break even». A lunga vista èn perfin giavischads radund 100 scolaras e scolars.

Cumbinar vacanzas cun guardar la scola

Uss duajan stentas en ils pajais asiatics gidar da surmuntar plan a plan questa perioda difficila. Quai vul l'insitut far dad ina vart cun far reclama directamain in Asia. Per l’autra ha l’Institut Otalpin Ftan beneventà quest’emna ina gruppa chinaisa ch'è vegnida en scola a far vacanzas. L'idea è che las visitas emprendan d'enconuscher la scola a moda fitg autentica:

E sco i para han ils giasts chinais giudì questas vacanzas en pau pli spezialas. Betg mo la cuntrada ha plaschì, mabain era la scola.

RTR actualitad 17:00 / Telesguard 17:40

Dapli da Engiadinaavrir la Landingpage

Nach links scrollen Nach rechts scrollen