Stefanie Aichholz daventa nova rectura a l’Institut Otalpin Ftan. Il cussegl administrativ ha elegì ella sco successura da Beat Sommer. Planisà è ina co-direcziun. Davent dal proxim onn da scola e fin che questa persunalia è sclerida, surpiglia Aichholz l’entira direcziun operativa da l’institut.
Stefanie Aichholz lavura dapi il 2017 tar l’Institut Otalpin Ftan. L’onn passà ha ella surpiglià il post da suppleanta dal directur Beat Sommer, ed è daventada manadra da scola per il gimnasi e la scola secundara.
Duas vias per segirar il futur finanzial
Vinavant scriva l'Institut Otalpin Ftan, ch'il cussegl administrativ s'engaschia vinavant intensiv per cuntanscher ina finanziaziun cun in vast orizont. Duas cooperaziuns pussaivlas cun instituziuns e partenaris sajan en lavur. Cun omadus projects fissi pussaivel da schliar il problem da finanzas, e da segirar a vista pli lunga l'existenza da l'Institut Otalpin Ftan.
