Siglir tar il cuntegn
cuntegn

Engiadina Jan Steiner – nov responsabel per la marca «Engadin»

Jan Steiner surpiglia a partir da l'onn proxim la partiziun da la nova marca «Engadin». Quai communitgescha la destinaziun Engiadina San Murezzan Turissem.

Jan Steiner, nov manader da partiziun da la marca «Engadin».
Legenda: Jan Steiner è persvas dal grond potenzial da la marca «Engadin» e vul sviluppar ella enavant. Destinaziun Engiadina San Murezzan Turissem

Suenter bunamain 10 onns sco manader da fatschenta da Puntraschigna Turissem surpiglia Jan Steiner a partir dals emprim da schaner 2019 la partiziun da la nova marca «Engadin» e daventa uschia «brand manager». In questa posiziun è Steiner entaifer la destinaziun Engiadina San Murezzan Turissem responsabel per la commerzialisaziun da la nova marca «Engadin».

Dapi il cumenzament da quest onn ha la destinaziun numnadamain separà il marketing da la regiun en dus marcas. Dad ina vart San Murezzan sco lieu extravagant ed urban, da l'autra vart l'Engiadina sco lieu che sveglia desideris.

RR novitads 17:00